| e-texts navigator |
| བོད་ཡིག |
220b1 med gcer bu la// ma rig pa yi srid ming med// gcig dang gnyis kyi grangs mtha' zad// ye shes chos nyid gdags gzhi bral// de la rtsal yon 'gag med pas// nam mkha' gsal stong bsnan 'phri
220b2 med// bya grub ye shes rang mdangs yin// ye shes lnga yi drangs bcud de// 'od ldang khra bo ltem ldem pa// rig pa'i ngo bo rol klong snang // gzhi la g.yo 'gul med pa ste// bya grub ye shes klong na gsal// shes
220b3 pa bcud du 'dril ba de// rlung rig gnyis kyis rtsal ma bskyod// rdzogs ldan chen por de bzhugs so// de yis gzhi yi dbye ba bshad// mthun pa'i dpe ni 'di ltar ro// stong pa yangs pa khyab pa ste// nam
220b4 mkha' lta bur gnas pa'o// dri med gsal dag zang thal te// man shel dri med lta bur gnas// gdod nas ma skyes gzhi rtsa med// dus gsum dus med stong par gnas// byung sa med par rgyu yis stong // skyes
220b5 med pa rkyen gyis stong // 'gag pa med pa ngo bos stong // dbyibs nges med pa dngos pos stong // thog mtha' med de rang bzhin stong // dran 'gyu med de mtshan nyid stong // phyi nang med pa gzung 'dzin
220b6 stong // dngos po med pa rtag pas stong // 'gag pa med pa chad pas stong // mtha' dbus phyogs med gnyis kas stong // nyes pa'i dri spang skyon gyis stong // nyes skyon ma spangs gnyen pos stong // gdod nas ka/
iiif viewer powered by OpenSeadragon
Texts on this page
Gpb032.018 - chos thams cad kyi don ston pa rdzogs chen thig le nyag gcig ye nas bya rtsol bral ba