| e-texts navigator |
| བོད་ཡིག |
217b1 ngoms mtshan dper ldan// ye shes 'od dang kha dog lnga// bco lnga dus gcig 'dus pa la// ka dag babs kyi sangs rgyas zer// de yi gnas tshul shes pa la// ye nas ji bzhin sangs rgyas zer// de yi mtshan
217b2 nyid shes pa la// rang bzhin lhun grub sangs rgyas zer// de yi rtogs tshul shes pa la// rtogs pa mngon gyur sangs rgyas zer// ngo bo nyid kyi snang ba la// ngo bo nyid kyi sku shar bas// ye nyid nas ni
217b3 bud+d+ha'o// thams cad gzhi la lhun grub pas// sangs rgyas sku lnga'i bdag nyid can// rtag chad gnyis kyi mtha' las 'das// rang grol mtha' yi dri ma sangs// rgyu med rkyen las 'das pa'o// lhun grub re dang
217b4 dogs las grol// ka dag yin phyir kun las grol// rang 'dzin med pas nyon mongs grol// gzung 'dzin med pas rnam shes grol// skye 'gag med pas sgo lnga grol// bcos bslad med pas rtog pa grol// dri
217b5 ma med pas 'byung bzhi grol// 'od gsal stong pa sku lngar ldan// de ni gzhi yi bzhugs tshul yin// chos sku ye shes chen po ni// mtshan nyid rnam pa gsum dang ldan// ngo bo rang bzhin thugs rje gsum// chos kyi
217b6 sku yi mtshan nyid yin// mi 'jig stong dang gsal ba dang // bya ba thams cad rdzogs pa ni// chos kyi sku yi mtshan nyid yin// 'gyur med 'gag med khyab pa gsum// chos kyi sku yi nges tshig yin// gsal dang
iiif viewer powered by OpenSeadragon
Texts on this page
Gpb032.018 - chos thams cad kyi don ston pa rdzogs chen thig le nyag gcig ye nas bya rtsol bral ba