| e-texts navigator |
| བོད་ཡིག |
110a1 'dus pa'i 'khor rnams la// kun rig rgyal pos bka' stsal pa// rang sems chos sku'i lta ba ni// kun la khyab pa'i rig pa yin// 'dus ma byas pa'i don rtogs pas// mtha' bral rig pa
110a2 gcig yin no// de yang rdo rje sems dpa' nyon// kun gyi mnyam nyid rgyal ba'i thugs// ma lus sems can thams cad la// chos sku khyab pa brdal ba'i sku// mtha' dbus med pa'i nam mkha' 'dra// rig pa ma
110a3 bslad gnyug mar gnas// dmigs 'dzin med par rang gis gsal// dngos po med pa shes rab yod// nam mkha' nyi ma'i 'od shar 'dra// 'dus ma byas kyi ye shes kyis// rten 'chang med pa nyon mongs
110a4 sel// 'byung ba lnga la rag ma lus// mi 'gyur 'joms pas rdo rje 'dra// bla mas don bstan rnal 'byor pas// the tshom med par rang sems rtogs// thams cad gcig la rdzogs pa ste// ma rig long ba'i mig
110a5 'byed 'dra// ye shes rig pa de nyid ni// yod med dbus dang mtha' med pas// sang nge sal le mthong 'gyur med// ka shi ras kyis rin chen 'dra// da yang rdo rje sems dpa' nyon// ma bcos lta ba'i rang
110a6 bzhin la// yul med chos sku rang byung de// re dogs rdul tsam med pa'i phyir// lhun grub ye shes chen po yin// rdzogs pa chen po rmad byung don gyi snying po rang byung bde ba'i 'khor lo'i rgyud las/ ye shes lhun
iiif viewer powered by OpenSeadragon
Texts on this page
Gpb032.007 - rdzogs pa chen po rmad byung don gyi snying po/ /rang byung bde ba'i 'khor lo'i rgyud