| e-texts navigator |
| བོད་ཡིག |
107a1 phyir lung mi srid// gdod nas 'gyur med ye shes sku// rdzogs pa chen po rmad byung don gyi snying po rang byung bde ba'i 'khor lo'i rgyud las/ gzhi las 'pho 'gyur med pa'i le'u ste bzhi
107a2 pa'o// // da yang rdo rje sems dpa' nyon// rang byung ngo bo nyid kyi sku// sems can kun gyi lus nang na// rang rig rgyal po ye shes de// rang gi sems la ye nas gnas// de yang 'dus pa'i snying po
107a3 nyon// yang dag nges pa'i chos sku ni// dngos por ma grub yul las 'das// rig pa rgyun chags de nyid ni// 'gro drug kun gyi sems la gnas// skye med ye shes rang byung ste// ched du ma byas rang gsal
107a4 ba// de nyid rang rig tsam las ni// bcos su med pas nam mkha' 'dra// sems can kun gzhi bzhi cha la// rang byung chos sku yod med kyang // lung med rkyen gyis rang rig bsgribs// de phyir ye yod rtogs
107a5 par bya// da yang rdo rje sems dpa' nyon// sems can lus kyi tshor ba la// rang rig ye shes rgyun mi 'chad// 'du 'bral med pas ye nas gnas// de phyir nyon mongs sbubs nang na// kun bzang ye shes
107a6 sems la gnas// nges don lung bstan don rtogs nas// de don gzhan nas bsgrub mi dgos// sems can byang chub su 'dod pa// kun gzhi'i gseb nas don tshol la// de yi ngang la gnas par gyis// de
iiif viewer powered by OpenSeadragon
Texts on this page
Gpb032.007 - rdzogs pa chen po rmad byung don gyi snying po/ /rang byung bde ba'i 'khor lo'i rgyud