| e-texts navigator |
| བོད་ཡིག |
23b1 bar gcod pa'i// stong phrag brgyad cu'i bgegs rigs dang // bzhi brgya rtsa bzhi'i nad rnams dang // glo bur gnod pa brgya cu gcig/ ye 'drog sum brgya drug cu'i tshogs// dus min 'chi ba rnam brgyad
23b2 dang // gshis ngan 'gum pa brgyad cu gcig/ gzugs can dgra dang gzugs med bgegs// rmi lam mtshan ltas ngan pa rnams// zhi dang bsal zhing bzlog pa dang / gdul dang tshar gcad las mdzod
23b3 cig/ zhes brjod rang gi mthun rdzas bstabs// bskang bzlog gsad dang gso la sogs// ji ltar 'dod pa'i phrin las bcol// gang la dmigs pa de bzhin 'grub// ces bka' stsal to// 'jig rten gyi
23b4 dregs pa can gyi sde dpon 'khor dang bcas pa rnams mchod bstod rgya chen po'i sgo nas nye bar bsgrub pa'i le'u ste lnga pa'o// // de nas rab tu bshad par bya ba// dregs pa'i 'khor tshogs 'di rnams
23b5 kun// ngo bo rang rig byang chub sems// ma skyes dbyings las g.yos pa med// 'jig rten gnas dang mthun 'jug cing // mchod dang bstod pas mnyes 'gyur bas// 'jig rten mchod bstod zhes su
23b6 brjod// phyi nang gsang ba'i bye brag ste// snang dang srid pa'i dkyil 'khor kun// gsang ba'i bdag po de nyid dang // gnas skabs mchod bstod phyi yin no// dag pa'i ting nge 'dzin las byung // rang gi snang ba
iiif viewer powered by OpenSeadragon
Texts on this page
Gpb031.001 - 'jig rten mchod bstod sgrub pa rtsa ba'i rgyud