| e-texts navigator |
| བོད་ཡིག |
213b1 'grub// rdo rje mgon po nag po nyid// 'gro ba'i gdug pa 'dul ba'i phyir// bdud kyi rgyal po chen po nyid// thod pa'i phreng ba can du mdzad// oM ma hA kA la ru tra sid d+hi yaM du dza// gong gi sngags 'di bzlas pa
213b2 de// snang ba thams cad gsad pa yi// dngos grub chen po snang ba mdzad// gsang ba'i bdag po'i mthu dang mtshungs// nag po chen po gcer bu'i rgyud las/ gsang ba'i tshul du mgon po bsgrub pa'i le'u ste drug
213b3 pa'o// // de nas lha'i bus zhus pa bsten pa'i thabs ni gang la bgyi// gsang ba'i bdag po chen po yis// mgon po bsten pa bka' stsal pa// phyi rten nang rten gsang ba'i rten// g.yag dkar lug
213b4 nag rgyan byas pa// phyi yi rten du gzud par bya// mkha' nag gos nag brgyan pa ni// nang gi rten du gzung bar bya// seng lding ram ni tsher ma can// be shing nag po 'dom gang la// rtse mor gnam lcags mde'u
213b5 gzugs la// rtsa ba bya rgod sgro yi rgyan// dri rgod snying la dar nag brgyan// dri zhim spos dang sman sna tshogs// gzhan yang snying gi phreng ba dang // bsad pa'i srog gi snying po dang // bdag nyid gsang mtshan a mr-i
213b6 ta// gzhu'am gab cer stsal te gdags// gsang ba'i dkyil 'khor gnas gzugs te// gzhan la bstan pa ma yin no// nag po chen po gcer bu'i rgyud las/ rten thams cad bsten pa'i le'u ste bdun
iiif viewer powered by OpenSeadragon
Texts on this page
Gpb031.009 - nag po chen po gzugs can gcer bu'i rgyud