| e-texts navigator |
| བོད་ཡིག |
200a1 bya// dpal ldan nag po chen po yi// bsam gtan sngags dang ldan gyur nas// mchod dang gtor ma la sogs bya// klu dang gnod sbyin la sogs pa// gdug pa'i ser ba srung bar 'gyur// de nas
200a2 gzhan yang rab bshad pa// bdud rtsi ba yi rnam lnga la// cho gas man+dal byas nas ni// pad+ma 'dab ma brgyad pa bri// der ni dpal ldan nag po dang // dzam b+ha la ni gsal bskyed de// sgyu skar rgyal nas dbu
200a3 btsugs la/ zhag grangs nyi shu rtsa gcig tu// me tog chu dang dri zhim spos// g.yon pa'i khyor bas dbul bar bya// bsam gtan sngags dang ldan gyur nas// nyin re zhing ni dus gsum du// gtsang ma'i chu yis
200a4 mchod par bya// oM ma ha kA la ya/ sid+d+hi d+ha na me d+hi/ hUM dza ma b+ha la dza lan drA ya swA hA/ cho ga 'di yi stobs kyis ni// 'jig rten gnod sbyin thams cad kyis// nor dang rin po che yi gter// rtag tu de la sbyin
200a5 par byed// ces bcom ldan 'das kyis bka' stsal to// dpal nag po chen po'i rgyud dur khrod chen po zhes bya ba las/ 'khor lo'i le'u ste drug pa'o// // de nas dpal nag po chen pos gsol pa/
200a6 bcom ldan 'das// dpal ldan nag po chen po yis// 'khor lo'i cho ga rab bshad pa// gnan pas gsad par gsungs pa yi// de yi cho ga ji ltar lags// bcom ldan 'das kyis bka' stsal pa// gnod
iiif viewer powered by OpenSeadragon
Texts on this page
Gpb031.008 - dpal nag po chen po drag po'i brtag pa dur khrod chen po rgyud