| e-texts navigator |
| བོད་ཡིག |
190b1 gyis dpal nag po chen po spyan drangs la/ mchod pa dang gtor ma la sogs pa byas te/ phur bu la bstim par bya'o// oM ma hA ka la ya/ badz+ra kI la ya pra tiSh+Tha na/ badz+ra swa b+hA ba At+ma ko&haM/ sngags 'di lan brgya
190b2 rtsa brgyad bzlas par bya'o// de bzhin du dpal nag po chen po dang / gri gug dang thod pa dang phur bu rnams la rab tu gnas par bya zhes/ bcom ldan 'das kyis bka' stsal to// de nas dpal nag po chen pos
190b3 gsol pa/ bcom ldan 'das// rab tu gnas par byed pa yi// dus kyi khyad par ji ltar lags// bcom ldan 'das kyis bka' stsal pa// dus ni rnam pa gnyis yin te// zhing dang dur khrod chen po yi// gnas
190b4 na dpa' bo mkha' 'gro mas// tshogs kyi 'khor lo bskor ba'i dus// der ni rab tu gnas byas na// dpa' bo mkha' 'gro ma rnams kyis// rtag tu byin gyis brlab par 'gyur// zhes bcom ldan 'das kyis
190b5 bka' stsal to// de nas dpal nag po chen pos gsol pa// bcom ldan 'das/ thun mong gi dus ji ltar lags// bcom ldan 'das kyis bka' stsal pa// brgyad dang bcu bzhi gnam stong dang // tshes gcig
190b6 cu bdun nyi shu gnyis// dus der rab tu gnas byas na// nag po'i stobs dang ldan par 'gyur// zhes bcom ldan 'das kyis bka' stsal to// dpal nag po chen pos gsol pa// bcom ldan 'das dpal
iiif viewer powered by OpenSeadragon
Texts on this page
Gpb031.008 - dpal nag po chen po drag po'i brtag pa dur khrod chen po rgyud