rKTs

e-texts navigator

Page

190a₁ kyis bka' stsal pa// 'gugs dang gcod par byed pa'i gri// dpal ldan nag po chen po yi// phyag rgya'i rab gnas bshad par bya/ dpa' bo stobs dang ldan pa'i lcags la gri gug sor bcu
190a₂ gnyis pa'am sor bzhi pa'i yu ba la hUM gis mtshan pa'o// de nas bdud rtsi lnga yis maN+Dal byas la gri gug bdud rtsi lngas byugs te/ maN+Dal pad+ma dang nyi ma'i thog tu gri gug bzhag la/ thugs ka'i 'od zer gyis
190a₃ dag par byas te/ nag po chen po'i gri gug gi rang bzhin du byas la/ yu ba'i hUM la sngags 'di bzlas par bya'o// oM ma hA kA la ya/ karta pra tiSh+Tha na/ badz+ra swa b+hA ba At+ma ko&haM/ de nas mchod pa dang gtor ma la
190a₄ spos bsreg cing bzlas pa bya'o// de ltar dus gsum du rab tu gnas par bya'o// de nas gzhan yang a li dang ka li dang nyi ma dang zla ba'i dbus su a las thod pa dum bu gcig pa a li dang ka lis brgyan
190a₅ par bsam la/ bdag nyid kyi thugs ka'i 'od zer gyis nag po chen po spyan drangs te/ mchod pa dang gtor ma byas la thod pa la bstim par bya'o// oM ma hA ka la ya/ ka pA la pra tiSh+Tha na/ badz+ra swa b+hA ba At+ma ko&haM/
190a₆ oM ma hA kA la ya/ a ru ta a b+hi Shiny+tsa hUM/ brgya rtsa brgyad du yongs su bzlas pa bya'o// de nas gzhan yang ni ra dA dA yi phur bu la sngags bris la thod pa'i nang du bzhag ste/ bdag nyid kyi thugs ka'i 'od zer

_{iiif viewer powered by OpenSeadragon}

189b - 190b

Texts on this page