| e-texts navigator |
| བོད་ཡིག |
187a1 nag po chen po dang / dpal nag po chen po gnyis su med par dmigs la/ mchod pa dang gtor ma la sogs par bya ste/ bsreg par bya ba'i rdzas kyang bsreg la dbul bar bya'o// mdun gyi nag
187a2 po chen po ni bka' sdod kyi nag po chen por shes par bya ste/ thugs ka nas thugs kyi sngags kyi bzlas par byas na/ dus gsum du mchod pa dang gtor ma la sogs pa rgyun mi 'chad par byas la/ zhag nyi shu rtsa
187a3 gcig tu bsgrub pa byas na dpal nag po chen po mngon du 'gyur te// sbyor ba de don thams cad dang ldan par 'gyur ro// de skad ces bcom ldan 'das kyis bka' stsal to// dpal nag po chen po'i zhes bya ba
187a4 las/ lha'i le'u ste gsum pa'o// // de nas dpal nag po chen pos/ bcom ldan 'das la gsol pa// rgyud don sgrub par byed pa yi// khyad par cho ga ji ltar lags// bcom ldan 'das kyis bka'
187a5 stsal pa// rgyud don nges par sgrub 'dod pas// nag po chen po'i dkyil 'khor bri ba dang // rab tu gnas pas 'grub par 'gyur// zhes bcom ldan 'das kyis bka' stsal pa/ nag po chen pos gsol pa/
187a6 bcom ldan 'das/ dkyil 'khor bri ba ji ltar lags// bcom ldan 'das kyis bka' stsal pa// gnas dang dkyil 'khor bri ba dang // sgrub par byed dang don gsum dang / zhes bcom ldan 'das kyis bka'
iiif viewer powered by OpenSeadragon
Texts on this page
Gpb031.008 - dpal nag po chen po drag po'i brtag pa dur khrod chen po rgyud