| e-texts navigator |
| བོད་ཡིག |
120b1 bskor ba byas shing ye shes mgon po nyid las 'khril te/ dgyes chen su la ma hA a mr-i ta/ e ma ngo mtshar rab 'jigs so// ma rungs dregs pa'i tshogs rnams la// zhing bcu sgrol ba'i las
120b2 bcol gyis// thugs rjes dgongs nas brgya la rengs slong // khrag skyugs phrin las dag la bkod// ces ni zhu ba rab bzhugs pas// 'jigs byed ye shes mgon po yis// gtum khros dgyes pa'i 'dzum
120b3 bton nas// d+harmA kA la shan ting ku/ zhes pa'i sgra yis brgya la bslangs nas// rang rang phyogs kyi sa la 'khod// de nas seng gdong gis gus pa'i tshul gyis 'di skad gsol// hUM gtso mchog 'bar ba'i phyag
120b4 bzhi pa// mthing nag rab 'jigs ye shes mgon// dregs pa'i tshogs bdag skyabs su mchi// brgya la rengs khrag skyugs grol mdzad cing // kun la drin chen lha mo'i sku// yum mchog tsa ti dbang phyug gtso// sku
120b5 mdog nag mo khro tshul can// zhal gcig phyag gnyis zod skam brgyan// phyag g.yas gri gug dgra snying 'byin// phyag g.yon zod khrag gtso la stob// mche gtsigs khro gnyer spyan gsum dmar// gcer bu
120b6 skra grol rus pas brgyan// zhabs gnyis yab la 'khril cing sbyor// gnyis med bde chen he ru ka/ khrag 'thung yab yum phyag 'tshal bstod// che mchog nyid kyi spyan snga ru// khas blangs khrag 'thung yab yum gyi//
iiif viewer powered by OpenSeadragon
Texts on this page
Gpb031.006 - dpal mgon po nag po chen po sku gsung thugs khros pa'i rgyud