| e-texts navigator |
| བོད་ཡིག |
61b1 no// gdams pa'i gsang ba'i dam tshig ni// gdams pa bzhin du ma nyan te// gsang ba ma thub 'bras bu ni// til 'bru tsam yang thob mi 'gyur// dngos grub nyid kyang ring ba dang // de ni rigs kyang yod mi
61b2 byed// ces bka' stsal to// man ngag dam tshig gi le'u ste gnyis pa'o// // gdon 'dul lha yis yang gsol pa// rnal 'byor zab mo'i don spyod la// lta ba'i don gyis phan gdags pa// bdag gis nan
61b3 tan ji ltar bskyed// rtag chen yab la bdag nyan 'tshal// rtag chen yab kyis bka' stsol cig/ de skad gsol pa gsan nas kyang // rtag chen yab kyis bka' stsal pa// rnal 'byor zab mo'i don spyod la// lta
61b4 ba'i don gyis phan gdags pa// yang dag nyid du ngas bstan gyi// nyon cig g.yung drung lha yi gtso// ngas bstan pa la the tshom med// snod kyi 'jig rten shes bya'i yul// bcud kyi 'jig rten rig pa ste// yul
61b5 dang rig pa gnyis med don gyis blta bar bya// ma mo mkha' 'gro skyabs dang grogs su blta// snod kyi 'jig rten chos kyi dbyings// bcud kyi 'jig rten ye shes che// dbyings dang ye shes gnyis med don gyis
61b6 blta// thabs dang shes rab 'du bral med par blta// yab yum rol pa byang chub sems su blta// ma mo mkha' 'gro bran dang g.yog tu blta// sprul pa sna tshogs 'phro 'du dbyings su blta// snang srid thams cad
iiif viewer powered by OpenSeadragon
Texts on this page
Gpb030.004 - thugs kyi yang snying ma mo 'bum tig gi rgyud