| e-texts navigator |
| བོད་ཡིག |
60b1 bzla'o// g.yung drung lha yis yang gsol pa// yum gyi dbyings shes gang la bgyi// yab kyi mkha' zhes gang la bgyi// blang dor med pa gang gis 'grub// 'khor ba'i gnas 'di mi 'tshal lam// klong zhes bya ba ji ltar lags// de skad
60b2 gsol pa gsan nas kyang // yang dag rdzogs kyis bka' stsal pa// nyon cig g.yung drung yang dag pa// 'du 'bral med pa yum gyi dbyings// skye shi med pa yab kyi mkha'// bde ba chen po'i don rtogs na// blang dor med pa de yis
60b3 'grub// gnyis med don rtogs de yi dang // rdo rje sems dpas yang gsol pa// chos nyid rtag pa'i g.yung drung la// sems nyid rtag pa'i blos bzhag na// 'gyur med don zhes rung lags sam// yang dag rdzogs kyis bka' stsal
60b4 pa// nyon cig g.yung drung yang dag pa// chos nyid rtag pa'i g.yung drung la// sems nyid rtag pa'i blo bzhag pa// rdzogs pa'i lta ba la dor ro// rdo rje sems dpas yang gsol pa// ma zhes bya ba gang gi dbyings// mo zhes bya ba gang gi
60b5 klong // ma mo'i gtan tshigs ji ltar lags// 'byung ba lnga po gang las grub// sangs rgyas dgongs pa gang gis 'grub// bde ba chen po'i ngang nyid las// rgyu rkyen gnyis kyis bskyed lags sam// 'byung ba lnga yi ngang nyid
60b6 las// 'di la 'pho 'gyur mchis lags sam// yang dag rdzogs kyis bka' stsal pa// nyon cig g.yung drung yang dag pa// ma mo'i don rnams rtogs pa'i phyir// ma mo'i sa rnams nges par thob// yid bzhin
iiif viewer powered by OpenSeadragon
Texts on this page
Gpb030.004 - thugs kyi yang snying ma mo 'bum tig gi rgyud