| e-texts navigator |
| བོད་ཡིག |
254b1 yin// nang du kham sa sha chen la// dre'u rta rkang rgyus srab mthur can// rna ba ba ni dri bu 'phyang // de lta bu yi gzugs gcig la// steng du zhon pa'i ma mo ni// lcags phye sa las bya ba ste// mgo gcig lag gnyis
254b2 khro tshul can// ral gri mdung thung g.yas dang g.yon// ko rlon stod la re sde smad// sbrul gyi ske rag bcings pa ste/ kha nas khrag gi zar bu 'dzag/ rkang pa sgrog tu bcug par bya// de yi mdun du gzugs bya/
254b3 ba// mtshan mo nag mo rig pa'i gzugs// mgo gcig lag gnyis gri gug g.yas// b+han+da g.yon khyer gcer bu'i gzugs// sgra ni grol ba'i gzugs su bya// de nas thugs kyi sprul pa ste// gzas pa'i snying la
254b4 gzung bar byed// de nas tshon rtsi bzang po yis// bong bu gA la ma mo sngo// mtshan mo nag mo sngo bkrar bri// g.yog mo gnyis kyi rang bzhin ldan// thod pa'i mkhar gyi sgo dag ni// lho ru btod la ma
254b5 mo gnyis// zod pa'i mkhar du gzhug par bya// lho ru kha bltas bdag kyang rung // lcags ri bdun la ma mo bdun// bya nag bdun gyi gzugs su bya// de ni gang gi dkyil 'khor ro// da ni gang gi dkyil 'khor
254b6 ni// mi khom skya mo'i nang du yang // gong gi ma mo'i gzugs brnyan ni// shin tu gsang ste gzhug par bya// mi khog de yi mgo bo ni// byang shar rkang pa lho nub tu'o// yan lag lnga dang ling+ga dang // snying ga bdun po
iiif viewer powered by OpenSeadragon
Texts on this page
Gpb030.009 - rdo rje nag mo dbang phyig ma'i rgyud phyi ma