| e-texts navigator |
| བོད་ཡིག |
94b1 phyir// yul de'i sems ni hUM du snang // 'od dang 'od zer phur bu las// bdag la 'dus pas tshe ru thim// de gnyis med kyis bsgral phyir ro// bdag gi rnam shes tshogs brgyad nas// gang zhig gnas pa'i
94b2 mchog rnams la// rdo rje phur bu mang shar nas// de yi tshogs brgyad dag par bya'o// khams gsum chos nyid gdar bcad phyir// khro mo 'bar ba'i gtun khung du// khro tshogs 'bar ba'i tho tshogs kyis// rdo rje tho
94b3 bas brdung byas nas// khams gsum ma lus bsgral bar 'gyur// rtog 'dzin med pa'i dbang phyug des// mnyam pa'i rgyal pos spags par bsgral// shin tu gsol pas dgyes bstar nas// za byed kun la
94b4 bstab par mdzod// ha ha bgyis pas dgyes par rol// hUM hUM bgyis pas dbang du sdud// kha kha bgyis pas lhag ma bzhis// bdag dang gsum du ldan nas kyang // byang chub sems kyi dbang spros pas// phung po
94b5 rdul du rlogs nas kyang // sha khrag khams gsum dag par dmigs// hUM gis rab tu nam mkha' gang // phaT kyis kun tu gtor byas nas// rdo rje ye shes tshon gang gis// khams gsum byang chub sems bskyed
94b6 dang // 'gro ba ma lus don bya'i phyir// srid pa'i gdar sha bcad nas kyang // spyod pa rnam pa bcu dang ldan// ljang gu las kyi sa bon te// dmar po srog gi sa bon yin// mthing ga he ru ka yi thugs// spros
iiif viewer powered by OpenSeadragon
Texts on this page
Gpb028.001 - rdo rje phur pa gsang ba'i rgyud chen po