| e-texts navigator |
| བོད་ཡིག |
40b1 med pa dang / spyod pa brlang po dang / khrel med pa dang / log par 'tsho ba dang / dgongs pa ste sems ma zhi ba dang / g.yo sgyu dang / de rnams spyod par gyur te/ de rnams 'dul ba'i phyir na ni/ yang rdo rje khros
40b2 pa'i sku gsung thugs gzhon nus/ mi 'gyur ba dang / thogs med dang / gsal byed dang / mthong byed dang / thal byed dang / bkra byed dang / g.yo byed dang / btsal byed dang rtsol byed la sogs pa'i ting nge
40b3 'dzin la mnyam par bzhag nas/ gnyis su med pa'i dgyes pa'i sprin las/ he he he he he/ he he he he he/ zhes pas ni/ yang gong gi sems can dang tshul mthun pa'i sras/ 'phags pa'i lus la sems can gyi
40b4 mgo btags pa bcu byung ste/ gong bzhin btul te bsgral nas dam la btags so/ de nas yang rdo rje khros pa'i rgyal pos/ 'gro ba mtha' dag gi don bya ba'i phyir na/ don mthun dang don spyod dang / sbyin pa dang
40b5 snyan pa'i ting nge 'dzin la zhugs te/ ma chags thabs kyis rol pa las/ dzaHhUM baM hoH/ zhes bskul bas/ lha mo pu shud kyi mgo dang skye ga dang / srin bya dang / khra la sogs pa'i mgo can bzhi 'thon te/ gzhal
40b6 yas kyi sgo bzhi la 'khod de/ zhi ba dang / rgyas pa dang / dbang dang / drag po la sogs pas don mdzad de/ snying rje dang / byams pa dang / dga' ba dang btang snyoms kyi ngang du gsal bar mdzad do/ de nas yang
iiif viewer powered by OpenSeadragon
Texts on this page
Gpb028.001 - rdo rje phur pa gsang ba'i rgyud chen po