| e-texts navigator |
| བོད་ཡིག |
3a1 e ma ho bde gshegs bcom ldan 'das// e ma ho gsang mchog dgyes pa che/ e ma ho rnam par dag pa'i lam/ ngo mtshar 'byung ba khyod la 'dud// dkyil 'khor rnams kyi de nyid don// byang
3a2 chub sems kyi mtshan nyid de// bdag cag rnam la bshad du gsol// de nas gsang ba mchog gi bdag pos// rdo rje 'dzin pa la bka' stsal pa/ rdo rje 'dzin pa khyod nyon cig legs par yid la zung zhig/ 'di
3a3 ni sngon gyi rgyal ba thams cad dang da ltar dang phyis 'byung ba'i rgyal ba sangs rgyas rnams kyis ma gsungs gsung bar dka' ba yin te/ de ci'i phyir zhe na/ de kho na nyid byang chub sems kyi mtshan nyid de ni brjod
3a4 du yang med la/ snod du gyur pa yang dkon pa'i phyir ro// rdo rje 'dzin pa de bas na khyod nyid la dris shig ces bka' stsal te ci yang mi gsung bar bzhugs so// de nas 'khor lo 'dzin pa la sogs pa'i de bzhin
3a5 gshegs pa thams cad kyis rdo rje 'dzin pa la bsgo ba mdzad de/ rdo rje 'dzin pa chen po khyod ni de bzhin gshegs pas bka' stsal pa zhu ba spobs pa yin pas na/ bcom ldan 'das gsang ba mchog gi bdag
3a6 po the tshom thams cad gcod pa la the tshom yang dag yang du zhus shig dang / de bzhin gshegs pa ni snod ji lta ba bzhin du chos ston pas na/ byang chub sems dpa' blo dman rnams la yang byin gyis rlobs shig
iiif viewer powered by OpenSeadragon
Texts on this page
Gpb028.001 - rdo rje phur pa gsang ba'i rgyud chen po