| e-texts navigator |
| བོད་ཡིག |
2b1 ba'i rgyud chen po las/ gleng gzhi'i le'u ste dang po'o// // de nas bcom ldan 'das gsang ba mchog gi bdag pos/ dus gsum dang / srid pa gsum dang / 'khor ba dang mya ngan las 'das pa dang /
2b2 sa dang pha rol tu phyin pa dang / kun nas nyon mongs pa dang / rnam par byang ba dang / 'jig rten dang 'jig rten las 'das pa dang / zag bcas dang zag med/ 'dus byas dang 'dus ma byas/ bstan du yod pa
2b3 dang bstan du med pa/ thog bcas dang thog med/ rtog bcas dang rtog med/ don dam pa dang kun rdzob/ bsgrub bya dang sgrub byed/ shes pa dang shes pa'i yul/ 'jig rten dang 'jig rten las 'das pa'i chos rgyu
2b4 'bras bur bcas pa/ snang zhing grags pa thams cad la/ rdzu 'phrul gyi spyan gyis kun tu yang khyab par gzigs rnam par yang gzigs so// de bzhin du gzigs pas/ chos thams cad byang chub kyi mtshan nyid
2b5 stong pa chen po'i rang bzhin/ sgra bsam las 'das pa'i de bzhin nyid/ de kho na'i ting nge 'dzin la snyoms par zhugs so// de nas rdo rje 'dzin pa'i rgyal po rang gi stan las langs te/ bcom ldan 'das gsang ba
2b6 mchog gi bdag po la/ phyi nang gi mchod pa'i sprin sna tshogs kyis mngon par mchod de/ lan brgya phrag stong du brkyang phyag 'tshal nas// dgongs pa chos kyi dbyings la mnal bzhin du 'di skad ces gsol to//
iiif viewer powered by OpenSeadragon
Texts on this page
Gpb028.001 - rdo rje phur pa gsang ba'i rgyud chen po