| e-texts navigator |
| བོད་ཡིག |
25a1 phyin ci log gis bcings// dngos por rang gar zhen pa yis// gdul dka' ma lus 'dul ba dang // dam tshig la sdang rnam sbyong phyir// dur khrod gar gyi phyag rgyar mdzod// ces bgros so// rdo rje
25a2 phuphur pa gsang ba'i rgyud chen po las// zhi bas mi 'dul bar dgongs nas// bde bar gshegs pa rnams kyis bka'i mol ba mdzad pa'i le'u ste dgu pa'o// // de ltar bgros pas rigs lnga'i bde bar
25a3 gshegs pa de dag dgongs pa gcig tu gyur te/ log pa'i spyod pa can dngos po'i lam la mngon par 'chel ba/ mngon pa'i nga rgyal gyi mthus bsnyems nas/ sangs rgyas kyi bstan pa la mngon par ma dad pas//
25a4 'jig rten phung bar byed pa rnams/ zhi bas phan par byed pa'i skal ba la ma bab ste/ rol pa'i mdzad spyod kyis gdul bar gzig te/ thams cad dgong pa gcig tu gyur to// de nas bcom ldan 'das kyis hUM
25a5 hUM zhes brjod pas/ rigs lnga'i bde bar gshegs pa la sogs pa'i 'khor thams cad gnas kyi dkyil 'khor la sogs thams cad nyid kyi thugs kar bsdu ba mdzad de/ gnyis su med pa'i chos kyi dbyings kyi
25a6 nga du mi snang bar mdzad nas// chos nyid de bzhin nyid la dmigs te gnas so// rnam par mi rtog pa'i ye shes kyi rdo rje chen po des/ chos kyi dbyings de kho na nyid las khros pas/ nyon mongs pa zhe sdang la
iiif viewer powered by OpenSeadragon
Texts on this page
Gpb028.001 - rdo rje phur pa gsang ba'i rgyud chen po