rKTs

e-texts navigator

Page

22a₁ skye bar nges// zhes gsungs pas/ 'khor gyi byang chub sems dpa' de dag skrag sngangs te brgyal bar gyur to// de nas yang rdo rje 'dzin pa chen pos 'di skad ces gsol to// bcom ldan
22a₂ 'das thugs rje chen po thabs mkhas pa'i bdag nyid rtog pa dang bcas pa'i byang chub sems dpa' de dag/ slar gsos te rtog pa stsal du gsol zhes zhus pa dang / bcom ldan 'das kyis bskul bar mkhyen
22a₃ te/ de nas byang chub sems de kho na nyid kyi ting nge 'dzin la zhugs te/ byang chub sems kyi 'od zer 'phro zhing 'khyil ba de/ byang chub sems dpa' rnams la bstims te/ byin gyis brlab pa mdzad nas/ byang
22a₄ chub sems dpa' de dag slar dran pa rnyed nas/ bcom ldan 'das kyi zhal du mig mi 'dzum par bltas te 'khod do// de nas bcom ldan 'das kyis 'di skad ces bka' stsal to// rigs kyi bu rnams rang rang
22a₅ gi 'du shes ngan pa de thong zhig/ byang chub spyod pa'i gnas 'di yin// thams cad nam mkha'i mtshan nyid de// nam mkha' la yang mtshan nyid med// de nyid 'jig rten sna tshogs te// phyag rgya'i tshogs chen de nyid
22a₆ do// chos rnams sgyu mar dbang bsgyur bas// de la dngos po ga la yod// ci spyad ci bsgoms ci bsgrubs kyang // de la dngos po yod mi 'gyur// byang chub nyid de ltung gnas med// dmyal ba'i gnas nyid bla med

_{iiif viewer powered by OpenSeadragon}

21b - 22b

Texts on this page