| e-texts navigator |
| བོད་ཡིག |
227a1 par 'gyur// grog mkhar sa dang dri chu dang // rgya mtsho'i 'gram gyi sa dag la// gzugs brnyan sor ni bcu gnyis la// d+ha du ra yi khu bas byug/ tsan+dan smug po'i me yis bsro// bdud rtsi 'khyil
227a2 pa'i sbyor ba yis// dum bur gtubs nas sbyin bsreg bya// thal ba rgya mtshor dor bsgyur na// nges pa kho nar smyo bar 'gyur// mthing nag dkyil 'khor dbus su ni// bsgrub bya 'dar zhing 'jigs par
227a3 bsam// snying gar byin za'i sa bon te// rdo rje khro bo 'jigs chen gyis// lte ba snying ga phug nas ni// khrag dang rgyu ma mnar bar bsam// srin po 'jigs pa'i gzugs can gyis// sha khrag rgyu ma zos par
227a4 bsam// byin za'i gzugs can 'bar ba yis// de ni nges par bsreg par 'gyur// de ni bsad pa'i las su gsungs// khyi yi khrag dang rnga mo'i sha/ dug gi me la bsreg gyur na// nges pa kho nar khugs par
227a5 'gyur// tsit+ta'i khrag dang dur khrod sa// shwa na'i rak+ta bsres pa yis// gzugs brnyan sor ni bzhi pa bya// b+han d+ha srubs med nang du gzhug/ ma ta kha yi khu bas byug/ dur khrod shing la bsros gyur na// bsgrub bya
227a6 tsha ba'i rim gyis 'debs// dur khrod dag gi gsol ba la// bsgrub bya'i gzugs brnyan nag por bya// ra yi khrag gis byugs nas ni// dur khrod shing gi me yis bsro// na ra'i phur pa lnga pos bdug/ hir hir
iiif viewer powered by OpenSeadragon
Texts on this page
Gpb028.003 - rdo rje phur pa zhe sdang yongs su dag pa'i rgyud kyi rgyal po