| e-texts navigator |
| བོད་ཡིག |
19a1 mdzad// karma d+ha ra ma hA kro d+hi shwa rI dza la ni hUM phaT/ rdo rje thal mo phan tshun bsnol// gung mo rtse sprad bsgreng byas te// rtse mo dril bu 'dzin pa'i tshul// seng gdong ma yi phyag rgya yin// sngags dang
19a2 phyag rgya 'di yis ni// de bzhin gshegs pa mnyes mdzad 'gro don kun la snyoms// zhes rgyal ba rnams kyi sngags dang phyag rgya'i ngo bo dang / yon tan rnam par bshad do// rdo rje phur pa gsang ba'i rgyud chen po
19a3 las/ sngags dang phyag rgya rnam par spros pa'i le'u ste lnga pa'o// // de nas yang rdo rje 'dzin pas/ bcom ldan 'das la 'di skad ces gsol to// kye ma'o bde gshegs bcom ldan 'das// sangs rgyas
19a4 yab gyur dam pa'i bdag/ bdag la sogs pa'i 'khor rnams la// dbang skur byin rlabs tshul bzhin mdzod// ces bskul ba mkhyen te/ bcom ldan 'das kyis// hUM hUM hUM zhes brjod de/ 'khor gyi dkyil
19a5 'khor de dag dang gzhal yas khang nyid kyi thugs kar bsdu ba mdzad de/ rgyun lam dang gshegs shul nas yum gyi b+ha ga'i bstim gnas su 'khyil ba las/ thams cad lhag pa'i byang chub kyi sems chen por
19a6 gnas par mdzad do// de nas hUM hUM ma hA ga Na sa ma ya ho// zhes pa'i sgra brjod cing / yab yum nyid kyang chags pa chen po'i chos nyid byang chub sems su gnas pa las/ cho 'phrul gyi sgra ru hUM hUM zhes bsgrag nas/
iiif viewer powered by OpenSeadragon
Texts on this page
Gpb028.001 - rdo rje phur pa gsang ba'i rgyud chen po