| e-texts navigator |
| བོད་ཡིག |
136b1 drug cu'i gtso mo ste// sngon nas dgra bo'i bla 'gug ma// nyams pa'i bla dang srog la ya// nam mkha'i lha mo phur pa'i lha// lag brgya lcags kyi phur pa 'dril// spyan brgya khrag gis mchi ma 'dzag/ zhal brgya
136b2 gdug pa'i ngan sngags zlos// tshems kyis skye shi rtsa ba chod// phur bu'i las mkhan chen mo la// rab tu mi srun las la brtson// pho nya mang po phyogs bcur 'gyed// rdo rje sku gsung thugs las sbrul// nyams
136b3 pa'i bla dang srog la ya// gzhan yang dam la btags pa rnams// de dag las la skul bar bya'o// de dag mngon par khugs pa dang // bsad pa'i las la sbyar bar bya'o// de bzhin gshegs pa thams cad kyi sku
136b4 gsung thugs kyi gsang ba/ kI ya la gsang ba'i dgongs rgyud las/ brdeg pa'i dus tshod kyi le'u ste dgu pa'o// // de nas yang karma he ru kas bcom ldan 'das badz+ra kI la ya la 'di skad ces gsol
136b5 to// kye bcom ldan badz+ra kI ya la// drag po'i las la 'jug byed pa// dregs pa nyams pa bdun po la// gang dang gang du gdab par bya// zhes zhus pas// bcom ldan badz+ra kI la yas 'di skad ces bka' stsal
136b6 to// nyon cig karma he ru ka/ gang gis gang la gdab bstan pa// mthing nag gru gsum 'bar ba'i dkyil 'khor nas// bud+d+ha 'dus pa'i sras mchog kI la ya// gti mug bdud bdul khros pa'i rgyal po dbyings
iiif viewer powered by OpenSeadragon
Texts on this page
Gpb028.002 - phur pa gsang ba'i dgongs rgyud chen po