| e-texts navigator |
| བོད་ཡིག |
125a1 gsung thugs kyi 'phro 'du grangs med spro// re re la yang gsum gsum mo// phra mo'i ting 'dzin gsal bar bya// sran ma sran chung nyung dkar til// ting 'dzin mi gsal bzlas pa bya// bdun 'bum
125a2 nyi khri them pa dang // phur pa'i rtags rnams dus su 'byung // rnal 'byor dad dang ldan par 'gyur// de yis dbang rnams rim bzhin bskur// rjes 'jug dbang mchog 'dod pa des// dkyil 'khor dam pa bstan
125a3 pa'i phyir// slob dpon lung dang ldan pa des// bdud rtsi khar blug mna' yis bsgag/ a mr-i ta yis na ra kan// bzlas pa'i chu ni kha ru blug/ gsang ba'i dkyil 'khor 'dir zhugs ni// khyod kyis gzhan la ma sma
125a4 zhig/ gal te gzhan la smras gyur na// sdug bsngal chen pos thar mi 'gyur// srog la bar chad myur du 'ong // sems can dmyal ba chen por skye// de las thar pa'i dus med 'gyur// khyod la dam tshig dpog pa
125a5 ni// yi dam lha la rtag par gnas// sngags dang phyag rgya rgyun mi gcod// bla ma mig gi 'bras ltar blta// rdo rje spun la brtse gdung che// gsang ba'i man ngag thabs mchog 'di// snod ngan gzhan la mi spel
125a6 lo// rgyud 'brel blo zhen sgrub la zhugs// sbyor sgrol mchod pa rgyun mi gcod// rdzas dang lag cha rtag tu chongs// blta ba nam mkha' bcos pa med// spyod pa sa gzhi bzhin du gyis// dam tshig 'jigs pa'i mkhar
iiif viewer powered by OpenSeadragon
Texts on this page
Gpb028.002 - phur pa gsang ba'i dgongs rgyud chen po