| e-texts navigator |
| བོད་ཡིག |
10b1 dag/ mtshan gyi me tog dpe byad 'bru chags te// sku mchog phyag rgya'i dkyil 'khor bsam mi khyab// ces gsungs so// rdo rje phur pa gsang ba'i rgyud chen po las// sku gsung thugs phyag rgya'i dkyil 'khor spros
10b2 pa'i le'u ste gsum pa'o// // de nas rdo rje 'dzin pas 'di skad ces gsol to// kye ma gsang ba mchog gi bdag/ de ltar bstan pa'i dkyil 'khor de'i// byung khungs dngos gzhi las dang yon tan
10b3 gang // bde bar gshegs pas bstan du gsol// zhes gsol pas/ bcom ldan 'das kyis bka' stsal pa// nyon cig rdo rje 'dzin rgyal po// chos sku nam mkha'i ngang las ma g.yos kyang // me leng ye shes ngang
10b4 las thugs mchog tshul 'dzin cing // bde ba'i ye shes lnga don thugs chud pa'i// rnam shes bag chags sbyang mdzad rdo rje 'dzin pa khyod nyid sku// chos sku nam mkha'i ngang las ma g.yos kyang // stong nyid ngang las
10b5 sku mchog tshul 'dzin cing // bde ba chos kyi 'khor lo bskor mdzad de// gzugs kyi mtshan ma sbyang mdzad 'khor los sgyur rgyal po// chos sku nam mkha'i ngang las ma g.yos kyang // mnyam nyid ye shes dang las
10b6 yon tan tshul du bstan// rin chen dbyig ltar dgos 'dod re skong ba// tshor ba gnas su dag mdzad rin chen mdzes pa'i sku// chos sku nam mkha'i ngang las ma g.yos kyang // so sor rtog pa'i ye shes ngang las
iiif viewer powered by OpenSeadragon
Texts on this page
Gpb028.001 - rdo rje phur pa gsang ba'i rgyud chen po