rKTs

e-texts navigator

Page

92b₁ stsal to// legs so legs so gsang ba'i bdag/ ma 'ongs don du zhus pa legs so// nga yis bshad kyi khyod kyis nyon/ khro bo chen po 'di rnams kyang // skye ba rnam bzhi las byung ba'o// 'di rnams rdo rje gsang
92b₂ bas bskyed pa'o// 'di rnams bgegs kyi rgyal po rnams 'dul ba'i don du 'tshal lo// 'di rnams ni ma 'ongs pa'i don du 'tshal lo// rnam par shes pa'i tshogs brgyad las grub pa'o// rnam par rgyal ba ni me
92b₃ long lta bu'i ye shes kyi 'bras bu'o// gshin rje gshed ni mnyam pa nyid kyi ye shes kyi 'bras bu'o// ha ya grI wa ni so sor rtog pa'i ye shes kyi 'bras bu'o// bdud rtsi 'khyil ba ni bya ba nan tan gyi ye shes kyi
92b₄ 'bras bu'o// hUM kA ra ni chos kyi dbyings kyi ye shes kyi 'bras bu'o// gzhan dag ni gzung ba'i cha las grub pa'o// 'di rnams ni zhe sdang la sogs pa rnam par dag pa'o// 'di rnams ni zhe sdang la sogs pa'i
92b₅ gnyen po'o// sku gsum gyi mtshan nyid yin pas phreng ba'o// 'dus byas las rnam par dag pa'o// zhes gsungs nas/ khro mchog 'bar ba'i ting nge 'dzin la snyoms par zhugs so// zhugs ma thag tu mnyam pa
92b₆ chen po'i skur bzhengs te/ gsang ba'i bdag pos zhus pa/ bcom ldan chen po nyag re gcig/ khyod nyid ye shes gang las grub// dpa' bo chen pos bka' stsol dang // ya mtshan chen po'i chos nyid shod// ces

_{iiif viewer powered by OpenSeadragon}

92a - 93a

Texts on this page