| e-texts navigator |
| བོད་ཡིག |
48b1 te gdon mi za// nA ga tsit+ta sa ma ya s+t+waM// sngags kyis gnad la bor ba yis// char kyi rgyun rnams nges par 'beb// gal te char pa ma ster na// dur khrod ras ma blangs nas su// rang byung me tog se 'us
48b2 byug/ ldong ros ser pos 'khor lo bri// 'khor lo'i dbus su stobs chen bri// zhal gcig phyag kyang gnyis pa ste// g.yas pa rdo rje g.yon rgya lcags// sngags rnams bzlas zhing klu la brab// 'khor lo'i rtsibs
48b3 la sngags 'di'o// dang por sgo Ta tha mar phaT// de ltar yi ge brgya pa yis// 'og gi 'khor lo'i yi ge bskul// 'og gi 'khor lo 'dab brgyad dbus// klu gzugs dbu gsum sbrul mgo drug/ g.yas pa ut+pal
48b4 g.yon pa pad// 'khor lo pad+ma'i rtsibs dag la// Na Na gyis mgo byas la phaT kyi bzhug/ de ltar yi ge bcu drug dang // rang snying sa bon de rnams kyis// 'od kyi klu rnams bsreg par bsam// dang pos dgug
48b5 dang gnyis pas bstim// tha mas gzir te lcags kyis na Na byung brab// de ltar byas na klu rnams kun// shin tu skrag cing sngangs 'gyur te// rgya mtsho'i rlabs nas char gyi rgyun// shin tu rlabs nas phebs par
48b6 byed// de yis 'ong bar gdon mi za// gtor ma bsngos la 'khor lo bkru// ba dmar ra dkar 'o mas gso// klu sman rnams kyis klu rnams gso// gal te char pa che gyur na// 'khor lo steng ma'i steng 'dug
iiif viewer powered by OpenSeadragon
Texts on this page
Gpb027.011 - khro bo stobs po che'i rgyud