| e-texts navigator |
| བོད་ཡིག |
27a1 par ngas bstan gyis// spyir ni drag po'i gnas rnams ni// dur khrod gnas sam shing gcig drung // ma mo'i gnas dang ze'u rang gnas// lha 'dre 'du ba'i lam rgya gram// sa srin ma mo du ma
27a2 'grogs// mi rnams phung ba'i khang stong dang // dug shing skyes pa'i gnas rnams la// gdug pa sbrul la sogs pa'i tshang // mang por bcas shing 'du ba dang // ral pa 'dra ba'i gnas su ni// rdo rje drag po
27a3 bskul ba'i gnas// nags chen po ni gang na bar// rnal 'byor mig gis bltas pa yi// lha mi yongs la grags pa'am// chu mig lkugs pa klu yi mig/ rgyu lam gong gsum 'byung po'i srang // phyogs las grub
27a4 pa'i dgra'am bgegs// mi dpung gru gsum ma rungs pa// ba tshwa zhu chu dmyal ba'i chu// gnod sbyin mang po 'du ba'i sa// srin po khros pa'i gdong mdangs 'dra// gdug pa chu srin kha gdangs 'dra// dred mo ral
27a5 pa'i gseb nang du// drag po'i las su bya ba yin// me tog mang po'i gling yod dang // ri ni rin chen spungs pa 'dra// skyed mos tshal dang dpag bsam shing // ngang pa bung ba'i sgra sgrogs pa// skad snyan bya ni sna
27a6 tshogs sgrogs// snying po mchog gi 'bru sna can// gnam ni 'khor lo rtsibs brgyad 'dra// sa ni pad+ma 'dab brgyad 'dra// gnas kyi dbyibs legs kha shar bltas// lung pa ran cing mdzes par ni// las kyi bya ba
iiif viewer powered by OpenSeadragon
Texts on this page
Gpb027.004 - khro bo dbyug pa sngon pa'i rgyud