| e-texts navigator |
| བོད་ཡིག |
279b1 spras// chos kyi 'khor lo ri dwags gnyis/ phyogs rnams kun tu mdzes par gnas// gdugs chen gser gyi yu ba can// gsal 'tsher mdzes pa'i sor phreng can// rnam pa sna tshogs rgyan gyis
279b2 bklubs// dbyibs dang kha dog khyad par can// tshad rnams dpag tu med pa ste/ gzhal yas brtsegs pa de la bsgom// sna tshogs pad+ma de la bsgom// nyi zla brtsegs pa mnan pa ni// sangs rgyas dam pa rnams
279b3 kyi gdan// rang gi mtshan dang ldan pa yis// 'dod chags a la sogs yig 'bru// dbus kyi nyi ma'i gdan la sems// ye shes zla ba brtsegs pa bsgom// dkyil na a dang li nyid de/ kha 'thor thabs kyi yi
279b4 ge ni// shes rab ye shes rnam par spras// mtshan dang dpe byad ldan par byed// shes rab sgra yig bcu drug ni// rnam pa gnyis su gyur pa'o// a A/ i I/ u U/ e I/ o au/ aM A/ r-i r-I/ l-i l-I/ ye
279b5 shes lnga yi rang bzhin las// rigs ldan rnam par snang mdzad ni// cho ga lnga yi spro bsdu yis// ye shes mngon par byang chub pa'o// rgyun du dkyil 'khor ma lus thogs// sku gsung thugs su yang dag
279b6 ldan// dbang bskur bya ste bsgrub par bya// thabs mkhas thabs dang ldan pa ste// nam mkha' dbyings kyi dbus gnas par// sangs rgyas dkyil 'khor bsgom nas ni// thabs dang shes rab yi ger
iiif viewer powered by OpenSeadragon
Texts on this page
Gpb027.024 - rdo rje 'bar ba'i rgyud