| e-texts navigator |
| བོད་ཡིག |
196a1 mchis par ni/ sangs rgyas kyi theg pa rnams 'byung ste/ de ci'i slad du zhe na/ de bzhin gshegs pa rnams kyi snying rje chen po'i stobs yongs su rdzogs pa'i slad du'o// 'di da lta'i dus na/ sems
196a2 can rnams sangs rgyas kyi theg pa la gnas pa nyung ba dang / nag po'i rigs mthu mngon par rgyas pa'i dbang gis na/ kye bcom ldan 'das dus la bab bo/ las 'di ni las kyi mchog ste/ 'dir bcom ldan kyi
196a3 byin gyis ma brlabs na/ slad ma'i tshe slad ma'i dus na/ nor bu lon pa'i mi rgya mtsho las thar du nye ba na gru zhig pa bzhin mchis te/ kye bcom ldan ljon shing gi sdong po mes tshig pa bzhin du gnas par gyur pa
196a4 lags so// de nas bcom ldan 'das kyis lag na rdo rje la 'di skad ces gsungs so// lag na rdo rje 'di ltar khyod de'i dus la bab par shes na/ 'dir 'dus pa rnams kyi rna lam du/ khyod kyis thogs pa med
196a5 par 'byung ba'i rdo rje go cha rnam par sra ba zhes bya ba la snyoms par zhugs nas/ sangs rgyas kyi mthu chen pos ting nge 'dzin de thob par byin gyis brlabs kyis/ khyod spobs pa skyed cig/ de nas lag na rdo rjes
196a6 'khor rnams la 'di skad du bsgo zhing / rang gi rdo rje thogs pa med par kun tu 'phen zhing // bcom ldan 'das la 'di skad ces gsol ba btab bo// kye bcom ldan 'das/ kye ma sangs rgyas ya mtshan
iiif viewer powered by OpenSeadragon
Texts on this page
Gpb027.016 - 'phags pa sangs rgyas thams cad kyi ye shes kyi rtse mo'i rgyud kyi rgyal po chen po