| e-texts navigator |
| བོད་ཡིག |
120a1 bzang la sogs// de ltar rtags ni byung ba dang // sgrub pa po ni ma lus pas// gsal ba rnam gsum dag dang ni// bden pa bdar zhing yang dang yang // gnad bdun dag tu gdab bya la/ khro bo
120a2 bcu yi sngags brjod cing // gang la dmigs pa'i ngo bo la// gzir gnan brlag pa'i las rnams bya// byin chung snying ni mi dga' na// sprog pa'i cho ga gzhung bzhin bya// lha rnams mnyes par bya ba dang // las
120a3 kyi lhag chad bskang ba dang // yun gyi sgrib pa sbyang ba'i phyir// mthol bshags la sogs 'bad la bya// gzugs ni dum bu gsum dag tu// rnon po'i mtshon gyi gtubs nas kyang // gtor ma gtang zhing hom du
120a4 bsreg/ de nas gtor ma la sogs btang // dkyil 'khor dag ni bsdu bya zhing // dngos grub dag kyang blang bar bya// bgegs kyis mi tshugs bya ba'i phyir// rdo rje'i go cha bgo bar bya// snying rje'i sems dang
120a5 'bral mi bya// de bzhin gshegs pa thams cad kyi// sku gsung thugs rdo rje bkod pa'i rgyal po'i rgyud las/ drag po bsgral ba'i le'u ste bcu gnyis pa'o// // de nas bcom ldan 'das 'jigs byed kyi
120a6 rgyal po zhe sdang rdo rjes/ dbang bskur ba'i ting nge 'dzin la snyoms par zhugs nas/ 'di gsungs so// sme sha can la sogs pa yi// bcu gnyis dang ni bco brgyad dang // yang na nyi shu rtsa gcig la// phyag rgya'i
iiif viewer powered by OpenSeadragon
Texts on this page
Gpb027.015 - phur pa rdo rje bkod pa rnal 'byor chen po'i rgyud