| e-texts navigator |
| བོད་ཡིག |
104a1 med// gsang sngags 'dra ba'i mthu stobs med// 'di yi sangs rgyas ji lta bu// dam chos mdo sde gang gi bka'// sgrub byed dge 'dun ji lta bu// mthu ni gsang sngags gang gis byin// zhes
104a2 gsol pas/ legs so gsang ba'i bdag po khyod// 'di yis sangs rgyas nga yin no// dus gsum rgyal ba'i phur pa'i bdag/ sgrol ba bla na med pa'o// gsungs so cog ni phur pa'i chos// dge 'dun sgrub
104a3 byed kI la ya// dam tshig srung byed sgrub pa bzhi// gsungs so cog gi byin rlab ni// gsang ba mchog gi kI la ya// de rnams phun sum tshogs par ni// bsgrubs na mi 'grub gang yang med// ces bka' stsal
104a4 to// rgyud kyi rgyal po rdo rje phreng ba las/ gnan gzer snying po sngags kyi le'u ste bcu gnyis pa'o// // de nas yang bcom ldan 'das la gsang ba'i bdag pos gsol pa/ bcom ldan badz+ra ki la ya// A be
104a5 sha ya ji ltar lags// shI g+h+rin bya ba ci yi don// dza la ces pa gang la gsungs// ta thA ya ni ji ltar lags// ha sa bya ba dgongs pa'i don// b+hin+na bya ba la sogs pa// gzir mnan gsang ba'i don bka'
104a6 stsol// gsang ba nga yis zhus so 'tshal// kI la ya yis bshad du gsol// zhes zhus pas// legs so gsang ba'i bdag po// khyod yid yang dag par soms shig/ de yis bshad par bya'o// A we sha yis
iiif viewer powered by OpenSeadragon
Texts on this page
Gpb027.014 - rgyud kyi rgyal po rdo rje phreng ba