| e-texts navigator |
| བོད་ཡིག |
67b1 nge 'dzin de la snyoms par zhugs ma thag tu sku'i gnas rnam pa lnga nas 'od zer kha dog rnam pa lnga byung ste/ ye shes gsal ba zhes bya bar phyogs bcu ma lus mi lus shing / lus par mi 'gyur ba'i 'jig
67b2 rten thams cad du khyab par gyur te/ 'od des 'gro ba rigs drug gi nyon mongs pa thams cad dag par mdzad de/ de dag pas phur pa gnyis med nges pa zhes bya bar gsal bar gyur to// de dag slar 'dus
67b3 pas sku thams cad shin tu yang dag par rdzogs par mdzad de/ ye shes ma 'gogs pa ma 'dres pa yongs su rdzogs par mdzad nas slar nyid kyi thugs kar thim mo// 'khor rnams kyis kyang ye shes gnyis med
67b4 dag pa phur pa bde ba chen po zhes bya ba'i don rtogs par gyur to// de nas bcom ldan 'das badz+ra ki la yas/ rang byung gi phur pa'i don ston pa zhes bya ba'i ting nge 'dzin la snyoms par zhugs te/ sems can
67b5 ma rig pa'i don du nyid kyi sku gsung zugs rdo rje las rdo rje bde ba'i tshig 'di gsungs so// a ho bde ba ye dag pa'i// rang byung phur pa'i nges don 'di// thun mongs ma yin ye dag pa'i// rdo rje gzhon nu
67b6 bdag la gsal// dbyings dang ye shes phur bu 'di// gnyis su med pa bde ba'i phur// ye nas dag pa'i klong dkyil na// ma 'dres dag las so sor gsal// zhes gsungs so// de nas 'khor rnams kyis
iiif viewer powered by OpenSeadragon
Texts on this page
Gpb026.003 - rdo rje phur bu gsang ba'i rtsa ba rnal 'byor chen po yang dag pa'i rgyud