| e-texts navigator |
| བོད་ཡིག |
123b1 mongs drug ni thub pa drug/ thams cad lha yi rang bzhin la// gzhal yas b+han+da brjid chen las// bzhugs pa'i don gyis de ru bzhugs// lha rnams don gyis de na bzhugs// rang bzhin lha dang mchod pa
123b2 dang // 'dzab bsnyen bstod pa tshogs pa dang // kun kyang rgyas par rab tu bya// rim pas 'jug cing 'bras bu smin// tshad du phyin pa yang dag nyid// rnam bzhi'i 'bras bu rim par 'jug/ yang nas yang du rnam
123b3 par rtog/ phung po he ru rnam lnga ru// 'byung ba lnga dang ye shes lnga// rnam shes badz+ra ko rI ma// yul brgyad phra men seng ha brgyad// log rtog sgo ma rta gdong ma// yid ni 'jug byed dbang phyug ma// rang bzhin lha
123b4 dang rim pa dang // mchod pa dang ni bsnyen bstod mchod// las rnams ma lus kun kyang rdzogs// grangs dang tshad du phyin pa dang // rim pa bzhi la skabs dang sbyor// grangs kyi rim pa yang dag nyid// de nyid
123b5 grub pa sku gsung la// gang gis rtogs nas rim par 'jug/ de ma rtogs par sgrib pa gsum// bral ba nyid du yongs mi 'gyur// rtogs na longs sku'i byin rlabs yin// de thos sgrib pa gsum dang bral// che
123b6 chung gnyis med yang dag bral// sa rnams rab tu mnan pa'o// lam rnams mtha' ru skyol ba'o// rim pa gnas su 'byor ba'o// dgra rnams tshad gcad 'joms pa'o// stong pa chen po'i chos nyid las// snang
iiif viewer powered by OpenSeadragon
Texts on this page
Gpb026.004 - de bzhin gshegs pa chen po rdo rje phur pa'i rgyud