| e-texts navigator |
| བོད་ཡིག |
368b1 khyad par bral// gang la'ang gnas par mi byed pa// thabs chen gsang ba'i lam gnas par// rtog ge pa yi yul min te// yang dag grub pa gcig pu nyid// skye ba brgyud pa'i sdug bsngal bral// zhes gsungs
368b2 so// dpal he ru ka 'dus pa'i rgyud chen po las/ spros pa med par bstan pa'i le'u ste rtsa drug pa'o// // de nas bcom ldan 'das dpal kun tu bzang po ye shes rngam pa'i rgyal pos/ sgyu ma ye shes kyi
368b3 rnal 'byor zhes bya ba'i rtog pa 'di gsungs so// dpal ldan he ru ka yi dngos// bla ma sangs rgyas kun gyi dngos// longs spyod bu dang chung ma dang // rgyal srid bla ma mnyes byas nas// phun sum tshogs pa'i
368b4 slob ma yis// man ngag 'dod par gsol ba gdab// de nas lung ldan bla ma des// ji srid snang srid chos rnams kun// sgyu ma 'ja' tshon chu zla dang // brag cha sgra brnyan chu bur dang // mgal me lta bur bdag
368b5 gzhan brtag/ bdag gzhan yul sems rab rtogs pas// ma lus mkha' la sprin phung dang // dbu ba lta bu'i 'du shes 'byung // gang la'ang chags pa bral ba ni// yid ches brtan pa med phyir ro// bdag gi
368b6 lus ngag yid gsum ni// chu zla brag cha nam mkhar ni// byin rlabs dbang gis gsal 'gyur na// ma lus sgyu mar mngon du snang // rnal 'byor thabs dang shes rab ni// dpa' bo dpa' mo'i rang bzhin te// lnga
iiif viewer powered by OpenSeadragon
Texts on this page
Gpb024.002 - dpal khrag 'thung 'dus pa'i rgyud