| e-texts navigator |
| བོད་ཡིག |
358a1 nang du zla gam brgyad// kun kyang dbang dang chags pa'i phyir/ kha dog dmar po bri bar bya// dur khrod ka pa gdung dag dang // zod phreng sbrul dang nyi zlas brgyan// 'bar ba'i rgyan cha sna tshogs
358a2 brgyan// dur khrod mchod pa sna tshogs dang // zhal bu bdud rtsi rak+ta dang // dpal gyi zhal zas longs spyod rgyan// dngos grub rten du bcas pa gzhag/ dpal gyi ban d+ha snying po can// thabs dang shes rab ldan
358a3 par dgod// rig ma bcu drug mtshan ma ni// rigs bzang tshul du mtshan ldan la// gsal ba'i rtags gsum bcangs pa'am// yang na dur khrod rdzas su dgod// rol mo hasta'i g.yab mor bcas// ji bzhin pa
358a4 yi gnas su gzhag/ gzi brjid me mar snang ba dgu// ye shes dgu yi rtags su gzhag/ rdo rje slob dpon 'brel bcas pas// rang rang mtshan ma'i gral bkod de// lhag pa'i rtags dang rgyan ldan pas// ma
358a5 dag pa mi mtshams gcad cing // dag pa thams cad byin gyis brlab// gsang bar gsang ba'i dbang thob nas// rang rang gsang ba'i las la 'jug/ sku gsum sa la goms bya'i phyir// ting 'dzin gsum
358a6 po tshul bzhin bsgom// brten pa 'byung ba'i rim stengs su// ban d+ha dbang po dang ldan pa'i// rlon rtsig rang gi dbyibs bzhin du// pho brang nyams dga' gdan bcas bsgom// cho ga gsum gyis skur bskyed
iiif viewer powered by OpenSeadragon
Texts on this page
Gpb024.002 - dpal khrag 'thung 'dus pa'i rgyud