| e-texts navigator |
| བོད་ཡིག |
345b1 pa// dam pa'i don du bshad du gsol// zhes gsol to// de bzhin gshegs pa thams cad kyi bdag nyid ye shes rngam pa'i rgyal po des 'di skad ces bka' stsal to// sangs rgyas kun gyi rang bzhin ni// 'da'
345b2 ba med pa'i rang bzhin te// rnal 'byor rnams la phan gdags phyir// dam tshig khyad par bshad par bya// dus gsum sangs rgyas thams cad kyi// sku gsung thugs kyi rang bzhin ni// mi 'da'i dam pa mchog
345b3 gyur ba// 'das par gyur na tshig par bshad// rang bzhin bzang dang dad pa dang // mos shing dge la brtson pa dang // 'khor bas 'jigs shing snying rje ldan// de la dam tshig sbyin par bya// sangs rgyas kun gyi
345b4 rang bzhin che// byang chub sems nyid dag pa ste// ma lus rang bzhin kun tu bzang // don dam kun rdzob dbyer med pa// mgon pos gnang ba la gnas shing // skyo ba med par gnas par bya// gzhan du bskal
345b5 pa grangs med par// dka' bas sbyin dang tshul khrims dang // dkar po'i don la gang gnas kyang // sa bon med pa'i 'bras bu bzhin// de yang gzhan las ma yin te// bla ma mchog las shes par bya// rgyal ba
345b6 kun gyi sku gsung thugs// rgyud la 'jug cing dbang bskur dang // gsang ba sgrogs shing 'dren pa dang // zab mo'i don gyi lam ston pa// rgyal ba kun dang mnyam pa'i phyir// nam mkha'i mthar thug bar du
iiif viewer powered by OpenSeadragon
Texts on this page
Gpb024.002 - dpal khrag 'thung 'dus pa'i rgyud