| e-texts navigator |
| བོད་ཡིག |
323a1 na/ bcom ldan 'das de bzhin gshegs pa thams cad kyi rang bzhin/ sku dang gsung thugs rdo rje btsun mo'i b+ha ga la bde ba chen po'i dbyings/ gsang ba mchog gi gzhal yas khang / zab mo
323a2 'dus pa'i bdag nyid/ nyams bzhi skyed pa'i gnas/ rtse mo thig le chen pos mngon par brgyan pa na/ de bzhin gshegs pa thams cad kyi rang bzhin/ thig le chen po byang chub kyi sems rdo rje/ ma lus pa 'dus
323a3 pa'i snying po de bzhin gshegs pa thams cad kyi snying pos byin gyis brlabs pa/ yid bzhin gyi nor bu rin po che/ khams gsum gyi dbang brnyes pa/ pad+ma rnam par dag pa'i gsung gi dbyangs mnga' ba/ 'gro ba
323a4 ma lus pa phrin las kyis 'dul bar mdzad pa ste/ 'di ltar nam mkha'i dbyings dang mnyam pa'i rnal 'byor gyi dbang phyug chen po// btsun mo'i tshogs dang bcas pa dang / sa bcu'i dbang phyug rgyal ba'i sras su
323a5 gyur pa/ btsun mo'i tshogs dang bcas pa dang / gdug pa 'dul zhing phyin ci log tshar gcod par mdzad pa'i big+h+nAM ta kr-ita la sogs pa btsun mo'i tshogs dang bcas pa dang / gzhan yang 'khor zhing gi rdul snyed
323a6 dang bcas par thabs cig tu bzhugs so// de nas de bzhin gshegs pa dgyes pa chen po de nyid kyis/ phyogs thams cad du rnam par gzigs te phyogs bcu dang snod bcu dang phyi nang dang khams gsum dang /
iiif viewer powered by OpenSeadragon
Texts on this page
Gpb024.002 - dpal khrag 'thung 'dus pa'i rgyud