| e-texts navigator |
| བོད་ཡིག |
98b1 las// sangs rgyas rin 'byung rang byung sku// 'dzam bu na da'i gser 'od 'dra// sbyin pa gtong ba'i phyag rgya can// bdag med rdo rje'i ting 'dzin la// snyoms par zhugs nas 'di dag gsungs// chos
98b2 rnams thams cad dgos med cing // chos kyi mtshan nyid rnam par spangs// bdag med chos las yang dag byung // byang chub tshul ni bstan pa'o// // zhes gsungs so// gsang gnas rdo rje rgya gram
98b3 la// sangs rgyas don grub rang byung sku// sbyin gtong in+d+ra nI li'i mdog/ zil gnon rdo rje'i ngang nas gsungs// chos 'di rang bzhin 'od gsal zhing // gdod nas dag pas mkha' dang mnyam// byang chub med
98b4 cing mngon rtog med// byang chub sems ni yin par bshad// ces gsungs so// e ma ho// zhes gsungs pas thams cad kun rdzob dang don dam pa'i byang chub sems kyis khyab par gyur to// de nas nam mkha'i
98b5 dbyings phrug mas 'di gsungs so// snod bcud snang ba'i rang bzhin 'di// rgyu rkyen 'bras bu ngang gis stong // de nyid ma skyes chos kyi dbyings// chos rnams yongs kyi 'byung gnas so// de nas sangs rgyas spyan
98b6 gyis 'di gsungs so// rang bzhin 'od gsal sems nyid 'di// med las yod snang sgyu mar snang // me long lta bur rang gsal bas// yongs la khyab par de 'gyur ro// de nas mA ma kI sa 'di gsungs
iiif viewer powered by OpenSeadragon
Texts on this page
Gpb023.002 - de bzhin gshegs pa thams cad kyi dgongs pa lung bstan pa/ rnal 'byor chen po'i gsang ba rnam par bye ba rnal 'byor spyod pa'i sa/ dpal rdo rje phreng ba'i mngon par brjod pa/ rta mchog rol ba'i lung rgyud thams cad kyi snying po/ dbang chen 'dus pa'i rgyud