| e-texts navigator |
| བོད་ཡིག |
234b1 longs spyod pas// 'di yang nga yi spyod pa yin// skye shi med pa'i don rtogs nas// snang srid thams cad dbyings su sgrol// bstan pa'i ru tra gang yin pa// bla med byang chub gnas su sgrol// 'di yang nga yi spyod pa
234b2 yin// chos dbyings skye ba med pa las// rig pa'i ye shes gnyis med sbyor// thabs kyi rang bzhin skye med las// shes rab ma 'gags gnyis med sbyor// 'di yang nga yi spyod pa yin// zhes gsungs so// spyod
234b3 pa'i le'u ste bzhi pa'o// // lham dral gnyis kyis yang zhus pa// nyid kyi 'bras bu ji ltar lags// dpal chen yab kyis bka' stsal ba// rig pa ye shes chos kyi sku// rang bzhin med pa lhun grub
234b4 ngang // ma btsal rang shar ye nas gnas// sems nyid sna tshogs rang 'gyu ba// longs spyod rdzogs pa'i sku yi dang // rang las byung zhing rang las spyod// 'di yang nga yi 'bras bu yin// 'di ltar snang ba thams
234b5 cad kun// sna tshogs rang shar sprul pa'i sku// gang ltar brtag pa 'di ltar snang // 'di ltar nga yi 'bras bu yin// sku gsum rang la ye nas rdzogs// ma btsal rang bzhin lhun gyis grub// ma bsgrubs rang las
234b6 'byung zhing gnas// 'di yang nga yi 'bras bu yin// zhes gsungs so// 'bras bu'i le'u ste lnga pa'o// // lcam dral gnyis kyis yang zhus pa// nyid kyi sgrub pa ji ltar lags// dpal chen yab kyis bka'
iiif viewer powered by OpenSeadragon
Texts on this page
Gpb023.007 - dpal rta mgrin gsang ba phrin las kyi rgyud