| e-texts navigator |
| བོད་ཡིག |
272a1 'dus pa'i rgyud las le'u dang po'o// // de nas bcom ldan 'das chos kyi rang bzhin de/ ye shes chen po'i rol par shar bar mkhyen nas/ sku gsung thugs mnyam pa nyid mi dmigs par
272a2 mdzad de/ ched du brjod pa/ ma nor ma bcos de bzhin nyid// mi gnas mi rtog bsam dang bral// ma chags chags bral yul las 'das// cir yang ma yin cir ma yin// rang byung rang zhi brjod dang
272a3 bral// rnam par mi rtog ye shes kyi// rtog pa'i dngos po zil gyis gnon// stong pa'i go cha bla na med// skye med sems nyid yi dam lha// zhes gsungs so// chos sku skye 'gag med pa las// ye shes chen po rol
272a4 pa'i sku// dngos med rtog pa zil gyis gnon// mthing nag zhal gsum phyag drug ste// rnam par thar pa'i dbu gsum gyis// srid pa gsum po sgrol bar mdzad// pha rol phyin drug phyag mtshan ni// 'khor lo
272a5 ral gri rdo rje dang // be con gtun shing sdigs mdzub 'bar// rgyud drug gnas pa'i log lta sgrol// tshad med bzhi dang rdzu 'phrul rkang // skye ba rnam bzhi stong bdag med// glang chen ko rlon gos su gyon// zhing
272a6 lpags g.yang gzhi ya bas bskor// stag gi pags pas sham thabs byas// skam rlon thod pas rgyan du byas// rigs bzhi'i klu dang sa bdag gnyen// dregs pa brgyad po phyogs mtshams bsnol// ma he glang po
iiif viewer powered by OpenSeadragon
Texts on this page
Gpb021.015 - de bzhin gshegs pa thams cad dgongs pa khro bo 'dus pa'i rgyud