| e-texts navigator |
| བོད་ཡིག |
156a1 rgya gar skad du/ ya ma kr-iSh+Na gu h+ya ta ta kha thun tan tra nA ma/ bod skad du/ gshin rje nag po gsang ba de kho na nyid kyi rgyud kha thun zhes bya ba/ bcom ldan 'das 'jam dpal gshed po yab yum la
156a2 phyag 'tshal lo// 'di skad bshad pa'i dus gcig na/ bcom ldan 'das 'jam dpal ya mAn+ta ka nyid chos sku'i ngang las gzugs sku zhal gsum phyag drug par bzhengs te/ phrin las rnam bzhi lhun gyis grub
156a3 pa'i gzhal yas khang phyi nang yongs rdzogs gsal ba'i pho brang ye shes las grub pa'i 'og min gyi gnas na/ yum be tA li dang gnyis su med par bzhugs so// de'i dus de'i tshe na 'dus pa'i 'khor yang ye
156a4 shes dang las las grub pa dang thabs cig pa las/ dregs pa chen po'i ting nge 'dzin la snyoms par zhugs so// de'i ngang las bcom ldan 'das kyi sku gsung thugs las rdo rje'i tshig 'di gsungs so// kye ma
156a5 ho// 'khor 'das thams cad 'khor lo'i ngang // 'khor lo thams cad 'jam dpal don// de nyid rig pa byang chub sems// bde ba chen por sangs rgyas so// oM a ho/ zhes bka' stsal to// 'jam dpal
156a6 kha thun gyi rgyud las/ gleng gzhi'i le'u ste dang po'o// // de nas bcom ldan 'das 'jam dpal chen po des/ srid pa'i gdug pa 'dul ba zhes bya ba'i ting nge 'dzin la snyoms par zhugs so// de'i dus de'i tshe
iiif viewer powered by OpenSeadragon
Texts on this page
Gpb021.008 - gshin rje nag po gsang ba de kho na nyid kyi rgyud kha thun