| e-texts navigator |
| བོད་ཡིག |
145b1 la// maN+Dal dkar po dri spos ldan// zab khung zlum po dbus su ste// khru gang kha khyer mdzub gang la// sor bzhi zheng du rnam par brtag/ khru gang zur brkos pad+ma brgyad// 'khor yug dkar pos mdzes par
145b2 bya// lcang ma glang ma phang ma la// hom shing khru gang pa ru bya// yam shing sor brgyad de nyid la// dbyibs dang kha dog dkar la zlum// 'bras bu nas chan rtsi mar dang // me tog dkar po gu gul dkar// 'o ma
145b3 dang bcas mchod pa dbul// me lha dkar po lha rgyud dkar// rim pas bskul te sngags res dbul// zhi bar gyur cig brjod cing mdag/ thal 'jim zhi ba'i gnas su sba// de nas bcom ldan 'das kyis zhi
145b4 ba'i gsang sngags 'di gsungs so// e ka he dun ya ma snying khrag ra ma tsa ya hu ra khaM baM ri la sa nA ga shAn ting a mu ka dz+nyA na sarba shAn ting ku ru swA hA// tshogs bsag sgrib sbyang bla med 'grub// nyams pa bskang
145b5 zhing dngos grub myur// 'jigs pa brgyad las nges par skyob// phan gdags zhi ba'i sbyor bar bshad// gzhan yang gdug rtsub tshar gcad phyir// drag po dmar len sbyin bsreg bshad// sa gsum 'khar gong
145b6 chu gsum la// maN+Dal khru gang dpangs su brtsegs// dbus su khru gang me zab bo// kha khyer gsum ldan thur la brko// kha khyer mtho gang mdzub gang tshad// sor gnyis zheng du gtsang thod la// rgya sol khrag gis
iiif viewer powered by OpenSeadragon
Texts on this page
Gpb021.007 - 'phags pa 'jam dpal gshin rje'i rgyal po sdig pa stobs chen gsang ba'i rgyud