| e-texts navigator |
| བོད་ཡིག |
130a1 bcom ldan 'das kyis dri ba'i don rgyas par bshad do// bskal pa rdzogs ldan bya ba la// lho yi 'dzam bu'i gling 'di ru// bde ba'i dbang phyug ded dpon zhes// rigs kyi bdag por grags pa
130a2 zhig/ grags pa sngags kyi sgor zhugs nas// bgrod pa ma thob dpe las mtshon// brda' don ma grol lhug par spyad// rigs ngan mo la grogs su spyad// sha khrag keng rus rnams la rol// 'jig rten dregs pa
130a3 sha khrag bsten// sngags tshig phra mo'i stobs dang ldan// rtag pa'i khro bo yod par bsgoms// lus che yan lag rags la bltas// don gyi gdeng stobs ma rnyed par// dngos po la ni sgra bzhin spyad// gsang
130a4 sngags bka' bsgo log pa yis// dus ma yin par tshe zad nas// na rag rdo rje dmyal bar ltung // bzhi brgya rtsa bzhi'i nad rnams myong // tshad mes mnar te bde bas brel// bskal pa bzhi nas brgyad gnyis
130a5 'khor// tsha grang gnas nas bskal pa bzhir// 'khor zhing sdug bsngal zad pa'i mthar// nyi tshe nye 'khor kha 'khor nas// bskal pa gnyis su sdug cing 'khyams// de mthar phyi nang sgrib pa'i gnas// skye ba
130a6 gnyis dang dud 'gror gnas// de mthar rdzu 'phrul lus blangs te// gshin yul 'jigs shing skyi g.ya' ba'i// lcags mkhar bcu drug bcu gnyis 'obs// thod mkhar chen po'i pho brang du// las kyi gshin rje
iiif viewer powered by OpenSeadragon
Texts on this page
Gpb021.007 - 'phags pa 'jam dpal gshin rje'i rgyal po sdig pa stobs chen gsang ba'i rgyud