| e-texts navigator |
| བོད་ཡིག |
127b1 'khor rnams la rang bzhin 'di bstan to// e ma ngo mtshar rmad kyi chos// ma skyes ye nas gnyis su med// rgyu dang rkyen med rang byung ba// de las kun 'byung thabs bsam yas// thams cad nga yi rang bzhin
127b2 las// ma g.yos mi g.yo cir yang gsal// snying po nyid la g.yo ba nyid// ces gsungs pas/ 'khor rnams kyis rang rang gis de kho na nyid so so ma yin pa mthong bar gyur to// de nas rdo rje snying po dregs pa
127b3 'joms pa des bcom ldan 'das rdo rje 'chang chen po la 'di skad ces gsol to// kun gyi rang bzhin rdo rje nyid// dus gsum sangs rgyas kun gyi dngos// gsang sngags kun gyi ngo bo nyid// che ba'i yon tan
127b4 rgyas par mdzod// ces gsol pas/ de nas bcom ldan 'das kyis chos thams cad gnyis su med pa'i bdag nyid chen po la sprul pa snang ba'i tshul 'od zer bye ba sa ya phyogs bcur bkye'o// 'od zer de dag
127b5 gis zhing khams thams cad du khyab par mdzad nas sangs rgyas thams cad kyi dgongs pa brgyud de/ sangs rgyas thams cad kyi rang bzhin/ chos thams cad kyi rtsa ba/ rdo rje 'chang chen po nyid du mdzad de/ rtsol
127b6 ba dang bral ba'i lam mngon du gyur par gsungs so// de nas rdo rje snying pos bcom ldan 'das la gsol pa/ sangs rgyas kun gyi rang bzhin dngos// lhun gyis grub pa'i ye shes khyod// mi rtog dbyings las sku
iiif viewer powered by OpenSeadragon
Texts on this page
Gpb021.007 - 'phags pa 'jam dpal gshin rje'i rgyal po sdig pa stobs chen gsang ba'i rgyud