| e-texts navigator |
| བོད་ཡིག |
9a1 bka' stsal pa dang / de nas yang gsang ba'i bdag po ya ma lag na rdo rjes 'di skad ces gsol to// e ma'o 'jigs byed chen po lags// rnal 'byor can la gnas phyir dang // 'dul byed
9a2 gnyis kyi don gyi phyir// sna tshogs brgya phrag brgyad kyi don// dman pa rnams la bshad du gsol// zhes gsol to// de nas 'jigs byed chen po gshin rje khrag 'thung gi rgyal pos 'di skad ces bka' stsal
9a3 to// rang byung ye shes bde chen las/ khyad par ye shes bzhi ru shar// chu zla'i tshul du las rnams 'char// bde ba chen po gsal bar gyis shig/ ces bka' stsal to// 'khor gyi dang pos zhus pa/ e ma'o/
9a4 'jigs byed chen po lags// rang byung ye shes bde chen po// chos rnams kun gyi ngo bo de// shes bya'i yul du ji ltar 'gyur// de las thabs sbyor las rnams ji ltar byung // byung nas grub pa ji ltar
9a5 'gyur// zhes zhus so// 'jigs byed chen pos bka' stsal pa// snang srid ye nas mya ngan 'das/ spros bral mi 'gyur gdod nas dag/ dag pa nyid na thams cad gsal// shes bya shes byed ngang gis stong // chu
9a6 zla'i dkyil 'khor bzhin du gsal// 'di ni yid bzhin rin po che// thams cad re ba rdzogs byed pa'o// e ma'o rtogs par rab dka' ba// sangs rgyas kyis kyang mi mkhyen na// gdod nas rnam dag chos kyi
iiif viewer powered by OpenSeadragon
Texts on this page
Gpb020.001 - dpal zla gsang nag po'i rgyud