rKTs

e-texts navigator

Page

40b₁ lta bu ru bdag nyid bsgom// mkhas pas rang gi rig pas dpyad// thod pa 'og ma khri steng ngam// za ma tog gi khri steng gzhag/ steng ma'i thod pa smyug ma la// sngon dmar brgyangs la yas man dgab// nyi shu
40b₂ bdun gyi snga dro la// nyi ma ri rab rtser shar nas// stag lpags bgo zhing bgrod dkar 'gro// ru rak+Sha yi phreng ba bgrang // dbyug to thogs la sdigs mdzub bsgreng // phyag kyang mi 'tshal lam mi bzur// phrad na
40b₃ gang yin brlag par byed// sgra bcad byas te khri khri bzlas// rnal 'byor nang la gtam zer na// lag gi brda yi gdab par bya// skom dang zas ni 'dod pa'i phyir// lag gi brda yis blang bar bya// smras na rnal
40b₄ 'byor rang don zad// de yi phyir na lag brda bya// de yi tshe na 'di yang gdon// ya ma rA dza sa do me ya che ge mo'i pra ma ya hUM phaT/ de nas dmar thag chad bar du/ khri khri bzlas pa bya ba yin// dmar zag chad
40b₅ nas sngags gzhug gcad// phur bu gdab dang nyung dkar brdeg/ pho nya bcol bskul drag tu bya// ma nyes dbang btsug cho nges gdab// nyin gnyis pa la 'di yang gdon// ya me do ru Na yo da ya che ge mo rak+ta tsa
40b₆ ra hUM phaT/ dmar thag chad nas sngags gzhug gcad// las kyi rim pa gong dang 'dra// nyin gsum po la 'di yang gdon// ya da yo ni ra ya k+She ya che ge mo mur tsa ya hUM phaT/ dmar thag chad nas sngags gzhug

_{iiif viewer powered by OpenSeadragon}

40a - 41a

Texts on this page