| e-texts navigator |
| བོད་ཡིག |
375a1 bzhin phyi ma'i phyi ma 'di// rtog pa ma lus rgyas pa dag/ lha de rnams kyis legs zos nas// 'jig rten 'jig rten 'das pa kun// thal mo rab tu sbyar nas su/ khro bo rnam par rgyal ba
375a2 ni// gshin rje'i gshed la 'di skad smras// bcom ldan khyod kyis rtog pa 'di// bsgrub pa rnams la phan pa'i phyir// rab tu ngo mtshar bshad lags te// bzlas dang hom dang mchod la sogs/ khro bo chen po'i
375a3 brtul zhugs dang // de bzhin dka' thub drag po dang // ji skad gsungs pa'i sbyang ba yis/ khro bo kI li ka la las// sogs pa'ang dus la bab na ni// sngags zlos pa la dngos grub ster// bcom ldan 'das
375a4 kyis rtog pa dang / khyad par gyur pa ci zhig mchis// de bas bzlas dang sbyin sreg dang // smyung dang brtul zhugs dka' thub dang // med par rang dbang nyid du ni// dngos grub dam pa khyod kyis gsungs// lha
375a5 mchog de dag thams cad kyis// phyag 'tshal de skad smras pa dang / khro bo drag tu bzhad pa yis// rab tu drag pa'i tshig tu gsungs// drag tu bzhad pa'i zhal 'dzum pas// lha yi tshogs rnams 'jigs rmongs
375a6 la// ma 'jigs ma 'jigs zhes gsungs pa'i// phan pa'i tshig gis dbugs phyungs nas/ khyed rnams kyis ni gang smras pa// sgrub pa bdag ni med par yang // sbyor ba shes pas grub 'gyur ba// lha rnams kun
iiif viewer powered by OpenSeadragon
Texts on this page
Gpb020.007 - 'phags pa 'jam dpal gsang ba'i rgyud kyi rgyal po/ pra khog snang gi brtag pa phyi ma'i rgyal po sgrub pa'i lung / khro bo rnam par rgyal ba'i rgyud phyi ma'i yang phyi ma