| e-texts navigator |
| བོད་ཡིག |
324b1 bgos nas kyang // 'bum phrag gcig ni sngar bsnyen pa// byas nas 'di ni brtsam par bya// phyugs chen dag gi khrag gis kyang // shis pa'i thod pa bkang nas kyang // de bzhin mi las byung ba'i sha/ phyag rgya yis
324b2 ni dbul bar bya// phyugs chen gyi ni tshil bu las// mar me 'bar ba byas pa dag/ de yi phyi rol phyogs brgyad du// sngags kyis bsrungs te dbul bar bya// cho ga shes pas de lta bur// byas nas bsgrub la
324b3 'jug par bya// dpal ldan gos ni dmar po gyon// tsan+dan dmar pos bskus nas ni// cung zad dag kyang mi 'byed par// mar gyis brgyad la gcig pus so// dpa' la sems drag mthu ldan pa'i// grogs ni
324b4 gsum dang lhan cig tu// blo dang ldan pas sems drag cing // dbang po bsdams pa'i sgrub pa po// yi dwags kyi ni dkyil 'khor du// sgrub pa'i las la 'jug par bya// de nas mtshan mo phyag rgya bcing // brtan
324b5 par 'dug la legs par bzlas// bgegs rnams sna tshogs mtshan gcig tu// 'byung ste de las rgyal bar bya'o// de ltar srin po'i tshogs chen las// rgyal nas phyag rgya 'grub par 'gyur// mi 'grub pa yi
324b6 las rnams kyang // de nas thogs pa med par byed// 'jam dpal dbyangs kyi khro bo yang // bskul nas 'dir ni thog pa med// ha na bi sgro Ta bany+dza pany+dza zhes// bskul ba'i mtha' mar hUM brjod cing // g.yon
iiif viewer powered by OpenSeadragon
Texts on this page
Gpb020.007 - 'phags pa 'jam dpal gsang ba'i rgyud kyi rgyal po/ pra khog snang gi brtag pa phyi ma'i rgyal po sgrub pa'i lung / khro bo rnam par rgyal ba'i rgyud phyi ma'i yang phyi ma