rKTs

e-texts navigator

Page

314a₁ pas bri ba yang // mi ros bgos pa'i ras dag ni// mkhas pas khru gang tshad dag pa// mi yi ro sgra nyid dag gi/ pir gyis legs par bri bar bya// tshon gyi kha dog kun med par// ri bong khrag gis
314a₂ bri yang rung // dbu dgu phyag ni bco brgyad dam// dbu drug phyag ni bcu gnyis dang // dbu gsum phyag ni drug pa ste// de bzhin zhal gcig phyag gnyis sam// rang nyid gang 'dod gzhung bzhin bri// dris nas
314a₃ me tog dmar po dang // mchod pa dag gis cher mchod la// sgrub pa'i rten du dgram par bya// gzhan gyis mthong na dngos grub yal// 'jam dpal gshin rje nag po'i tan+da las ri mo'i mtshan nyid bstan pa'i
314a₄ le'u ste sum cu zam pa'o// // de nas mgon po gshin rje'i gshed po la// phyogs bcu dus gsum gyi sangs rgyas thams cad kyis/ dus gsum gyi sangs rgyas kyi thugs ye shes kyi ngo bo'i sku'i bdag nyid
314a₅ yin te sangs rgyas kyi bstan pa la gnod pa'i bdud dang mu stegs dang srin po dang gshin rje dang yi dwags dang sha za dang ma mo dang dgra dang bgegs la sogs pa thams cad 'dul zhing tshar gcod pa'i gshin
314a₆ rje'i gshed por rdo rje'i ming gis dbang bskur gnang ba stsal/ bsngags pa mdzad nas/ lnga brgya dus kyi snyigs ma la bstan pa gnyen po srung bar bskos/ de nas gshin rje dang ma mo'i 'khor tshogs thams cad

_{iiif viewer powered by OpenSeadragon}

313b - 314b

Texts on this page